 |
| |
|
|
|
林師傅教導詳細，指導用心，會按弱點加以訓練，技術要求細緻。鄙人駕駛資質有限仍能考得車牌，林師傅居功至偉，十分感激！
|
|
|
|
|
|
多謝林師傅嘅悉心指導，並詳細指導每個路面情況的處理方法，令我上到試場都冇怯場，成功pass路試💪🏻💪🏻
|
|
|
|
|
|
師傅多謝你呀!🙏 係retake遇上林師傅👍 多謝你咁有耐性教我 ,考到嗰陣眼濕濕🥲 同埋會介紹你比朋友! 👍👍
|
|
|
|
|
|
多謝晒林師傅 ! 多謝你提點我咁多嘢 ! 多謝你有耐性教咁蠢嘅我 ! 多謝你考試前比信心我 , 到真係考嘅時候真係唔係好緊張 , 感覺真係好似平時上堂咁 , 咁先可以成功考到！衷心感謝林師傅！
|
|
|
|
|
在網上找到林師傅的，亦是我第一次沒有跟外面大學院的師傅。
因已考過數次，已快沒有信心，是否自己沒有天份駕車？心裡亦有忐忑，自己找林師傅是否正確。
上了一堂，就知道林師傅經驗老道，能一針見血的指出我的駕駛壞習慣。亦會有適時的鼓勵，並不會像外面的師傅一味罵到體無全膚。
亦能快速的抖正自己不曾注意到的駕駛事情，作出教學調整，快速練習。最終考到P牌。
在這再次感謝林師傅認真教導
能遇到有耐性，有熱誠的的師傅是我的幸運
祝林師傅身體健康，事事順利。
|
|
|
|
|
|
感謝師傅嘅教導, 師傅用左好多唔同嘅故事令我更容易吸收! 師傅好快就發現到我不足之處，相信要有豐富經驗先能做得到！永遠記得你講的：「用個心同專心揸車
|
|
|
|
|
感謝師傅的話我已私下說了，這裡是其他有意學車/找師傅的朋友來看的，容我分享一點經驗和看法：
我是考了四次才合格的棍波van同學 - 當人生太多意外/際遇不能控制，你需要的是一個好師傅，可以陪你走這趟不容易但絕對值得的學車旅途。
林師傅有多好，樓上很多同學的分享我不重覆了。有技術的師傅我相信巿場上有很多，我選擇3次都跟林師傅，最重要的原因，是師傅能幫你疏理性格上不利駕駛的特質，也會顧及你的心理狀況來加以支援。心理質素和狀況絕對決定你是否一個好的駕駛者--坐得係呢個(司機)位，你就冇得亂來(只顧自己)。
而技術鍛練的目的：「係你操控架車，而不是架車操控你。」
師傅絕對是嚴師，跟得林師傅預咗要捱鬧，因為鬧的全是直接與安全相關的位，只有鬧才能突顯其嚴重性和即時需要修正的狀況，在路面容不下你做「即時回顧」和「駁咀討論」 -- 架車仲係條路行緊，向前睇！但師傅保證會在合適時間與你詳細檢視每個錯位點錯，以及哪些位做得好。有不明白的把握機會盡問，師傅就會用各式方法令你明白。不過明白了和做到之間的距離仍是很遠，所以都係會繼續錯和繼續捱鬧……但當你慢慢感受到鬧少咗而讚多咗，你就知自己在進步中。
跟林師傅也需要勤力 -- 不論是背熟師傅精煉的口訣，以及平時非課堂時間對路面的分析練習。
因為自己背誦能力極低，我以為明白了口訣等於明白每項操作就足夠，結果堂堂做唔到都俾師傅問書問到口啞 (又捱鬧...不單是背不到，也是做不好喔)，到逼自己很認真很認真地背，真的背到並用到之時，就發現大幅幫助加快反應時間，令駕駛順暢不少。所以師傅教的口訣真係要背不能懶。
另在習慣坐公共交通的自己的確沒有「路面sense」，怎樣盡用路面不同狀況資源來協助判斷，這種「看見的能力」單靠駕駛課是很難練的 -- 因為那時段你有太多事情要兼顧，師傅會教你很多實用小方法來增加這能力，所以平日在路上都要勤力看，到上堂時就能實際取經驗了。
在香港很多人推崇1 take 過，香港人也很叻目標為本地去操考試，我也跟過專操考試的師傅。能一次合格是值得高興，只是若未能將考試路段的技術應用在多變的香港路面環境，對自己和其他道路使用者其實都是危險的事。
駕車就如學習一項全新運動，需要理論、實踐、心理狀況同時兼顧。學得好唔好，除了師傅好唔好，也看學習者是否願意以不同方式去提升自己，尤其如我沒天份的就要靠勤力。至於考試合格與否，面對運氣這項不能控制的事，還是靠技術和心理質素去勝過吧 -- 對路上潛在危險的洞察力，師傅總是很在意地提醒指導的，意外能否避到 / 減輕傷亡，不單是全講運氣啊！以至洞察其他(有需要的)道路使用者，作出合適並安全的禮讓，讓你覺得原來自己也可以對他者好一點，一同建構香港更好的道路環境，這份善良讓我很喜歡跟林師傅學習。
很清楚自己是左右不分手腳唔協調，運輸署建議的30小時的路面經驗的確不足夠我成功操控棍波van，新學車的朋友不妨預留多一點學車時間，感覺踏實一點才去考試吧。
我也是個slow learner兼反應慢，由成功背到口訣，到可以在駕車那種緊張時順利應用到出黎，都花了很長時間。
在路面學習已超過100小時，以為自己真的不適合駕駛很想放棄，師傅提醒：真正的駕駛者，100小時並不代表甚麼。睇闊D睇遠D，小心駕駛才是最重要。
就算已經跟了師傅3次，上了無數課，仍不時發現有新事物 / 對路面認知的學習，是久違了的豐富與學習的喜悅。
不同學生需要不同類型的師傅，學生能否從師傅身上學到，或者適應師傅的教法，是要人夾人的。願我這些學習經驗能助下一位同學，跟這位嚴厲又溫柔的好師傅，磨合可以順暢D，就如踩極力紙啱位接合順暢，架車行得冇咁chok 吧！
|
|
|
|
|
|
感謝林師傅的教導，最終路試成功！本人學車路上並非一帆風順，輾轉最後才找上林師傅。自己被不同師傅教過，個人認為學車最重要的，還是要選對師傅！找到一個有耐性、了解你的問題及，最重要的能給你信心的師傅，對學車真的太重要了！若你仍在猶豫，我推廌林師傅！
|
|
|
|
|
天光道，棍van 2 take pass，非常感謝林永耀師傅的耐心教導。
回想起來，真係一個好奇妙嘅經歷。
還記得我考完筆試後不斷上網睇學車師傅嘅資料，做定功課。有一日我無意中見到 ’學車良師會’ 這個網頁，㩒左入去睇，見到有好多合格左嘅同學仔，留言都係正評。而且文字風格個個都好吾同，一定吾會係打手文章，信得過，咁我就膽粗粗whatsapp左林師傅。
師傅都好快覆番我，仲約好左上堂時間，咁就開始學車。畢竟我已經吾係十八廿二，學習能力都跌左好多。我上左頭兩三堂開始壞疑自己仲應吾應該學棍波，但師傅就不斷鼓勵我，俾信心我，所以我都決定繼續。師傅每次講解都好詳細，好耐心，有口訣，有步驟。但有時我真係太吾生性，聽D吾聽D，記D吾記D，吾應錯的就走去錯，吾應做就走去做，好多次都激到師傅好勞氣。俾師傅鬧就一定架啦，咁係我做得吾好在先嘛。但鬧完後師傅都會再慢慢解釋番頭先有咩問題，會導致咩危險，同埋點樣做吾會再犯。我亦試過被罰做功課，比如三手軚調頭步驟，出路口動作。。。等等。當然啦，如果你做得好，師傅一定會讚你。
還記得有一日師傅突然同我講有堂問我要吾要，我一口應承話要。原以為都係行考試路線，但師傅係安排帶我去清水灣揸一轉，這個真係好驚喜好新鮮，師傅教我望遠Ｄ，學轉急彎同埋練大個膽。在直路果陣，師傅會提我快D快D踩快D。。。到急彎或落鈄前叫我收慢D慢D慢D。。。所以呢，雖然係一條好陌生未揸過的路，但我都會好安心，因為有師傅起度。
話咁快就到左我考果日，因為我做過死車動作吾好，所以肥左。果陣我好對吾住師傅，我自己吾爭氣。但師傅反過來鼓勵我，佢話差少少咋，叫我抽快期。但我抽快期路上一Ｄ都吾順利，抽到第九輪都未中籤，開始懷疑人生。但學牌差吾多快到期，已經本住抽到就抽，抽吾到就排尾期算。就抽到第十輪，某日既上晝突然收到快期中籤的訊息。我二話不說搵番師傅去夾，揀考試時間同安排上堂時間，真係好好彩師傅有期同有堂俾到我，真心感激！
補考前上堂期間，師傅針對我上次考試不足既地方，比如訓練出路口步驟、控慢車、練轉90度彎、過死車，望鏡及擰頭望盲點。。。等等。不斷去操練，我做得吾好，師傅會親自做一次示範。
終於，第2 take pass，邊度跌低，邊度起番身。收到成績見到 ”合格” 我係好開心。但師傅，請原諒我果日咁失禮，其實係因為：
1. 我心理關口問題，你教得好好，但我第一次考吾爭氣肥左，我對你好有歉意。
2. 我好感激你肯繼續收我呢個重考生，冇放棄我。
3. 你不斷好用心盡力執我吾好既地方，改善我不足。
4. 因為自己之前既懶散而家先黎學車，真係有D遲，其實應該要早二十年去完成。
今次真係落堂啦！我臨走之前，師傅你仲千叮萬囑我P牌要守規矩，幾多日後申請P牌，Ｐ牌限速每小時70公里，P牌吾好行右線。。。好多謝你，你係一個好用心，好盡責既師傅。
在此我祝林師傅你長教長有，桃李滿門。
另外當然吾少得我另一個好拍檔，貨van JC7343，佢有份陪我走過呢段學車路，JC7343，我都祝您身體健康。
|
|
|
|
|
|
 |
|
