學車良師會

學車良師會
學生留言板 4.
http://www.lcgtclub-hk.com

多謝林師傅同各位代課師傅的指導，教授的技巧十分有用。不僅是為了應付考試，更是為了在將來在道路駕駛時使用。

令大家做一位精明、安全、有禮的駕駛者。

十分感謝🙏🏻

林師傅, 非常感謝您的耐心教導！林師傅是我第二個師傅，

一套簡單易明口訣 , 耐心教導出路口動作 , 課堂生動有趣 ,用心教導注意視線 ,後鏡及交通安全 !

好開心第一次就考到，好多謝林SIR既教導，方法清晰易明，口訣亦好易做到，知道我弱點係邊，就專注惡補我個個項目，衷心感激遇到一位咁好的師傅，日後有朋友，都一定會推薦搵林SIR，多謝

多謝林師傅這段時間嘅教導🙇🏻 林師傅風趣幽默又不失認真嘅教學手法令學生更容易吸收! 而且林師傅所提供嘅課程很有針對性 , 相比其他市面上嘅師傅有很大嘅不同. 最深刻嘅係一堂林師傅遠路嘅課程! 呢一堂俾咗我好大嘅信心. 對我Pass有很大嘅幫助!

衷心感謝林師傅及代課師傅三十多堂的用心教導，才成就了我的一take pass

自問自己資質平庸，亦係個好易騰鷄既人。多得林師傅的耐心教導，我才可記得同練熟啲技巧。

林師傅教學簡潔易明，為人風趣有耐性，教學中有自創口訣，有模型道具，去幫助我理解。林師傅亦會指出我轉彎技巧的不足，及找出個問題的成因，協助我重點訓練。

而林師傅所教的技巧，駕駛態度和意識，要用個心揸車，令我終身受用

再次感謝林師傅，祝身體健康

多謝師傅教我好多實用道路使用者知識，緊記師傅教落安全第一，凡事兩手準備，多留意多觀察。相隔四年再學車，都算叫做半個 1 take pass👍🏻

多謝林sir嘅細心耐心教導。
當初揾林sir係因為我先生十幾年前學車就係林sir教棍波一take pass ，佢成個家族都係林sir教，信心保證，所以當我準備學車諗都冇諗就揾左林sir。
由考之前一個星期泊車掉頭仲好唔掂，到林sir用一堂時間教到我識曬，仲揾到點解我次次掉頭停嘅位都唔岩嘅原因，原來係因為我太矮張凳太前所以睇位會唔同🙈
學車嗰陣成日唔記得轉線嗰陣要擰頭，林sir嘅提醒好有趣話擰頭係媽媽生日，唔可以唔記得！
我天資不足從來冇諗過可以一take pass到，但林sir教學認真，有時會嚴厲但唔會好似坊間講嗰啲師傅係又鬧唔係又鬧。
最後嘅幾堂林sir幫我總結我嘅不足，我mark低曬記住自己嘅問題所以考試就輕鬆渡過。
仲記得初初上堂阿Sir話正常學20-30堂就ok，我嗰陣心諗咁我應該要學30-40堂😂
真係冇諗過25堂就pass到。
林sir價錢合理，上堂時間從來有多無少，我先生都話呢個年代一萬蚊都唔使就拎到個牌都幾難得。
最後就係我學車係疫症期間，我發現每次我上車前林sir都有用酒精抹個軚盤，俾學生係一個安心衛生嘅環境下學車。
祝林sir生意興隆，財源廣進身體健康，桃李滿門！

雖然我好多甩漏但林師傅會好有耐性咁用好多比喻或者道理去教我非常感謝師傅

多謝林師傅同馬師傅悉心教導，學車最緊要係搵有經驗嘅師傅！由於兩位經驗豐富，好快就搵出我嘅弱點，從而因材施教！加強我嘅弱項之後令我信心大增！真係好衷心多謝你地！

衷心感謝林師傅的熱心教導，令我這個危機意識奇低，手腳不協調的學生都能夠通過嚴格的駕駛路試。

回想林師傅在這幾個月的教授，真是獲益良多。他不但因材施教，以身作則，嚴格遵守各項道路安全守則，還時常用風趣幽默的角度和方式向我講解各駕駛要點，使我能有個輕鬆愉快的學習體驗。

僅此再次感謝林師傅的培育，希望師傅身體健康，能夠教育更多學生，薪火相傳。