學車良師會

學車良師會
新一頁學生留言板 3.
http://www.lcgtclub-hk.com
多謝林師傅既細心教導！之前跟過教院師傅學車，曬咗好多時間仲要無咩路面經驗，最後丙部試要重考。抽到快期後上網見到林師傅網站，好多人都讚不絕口，所以即刻搵林師傅幫手。果然係一個岩既決定！雖然成日因為太心急而嚇親林師傅XD 但短短一星期，林師傅已經將我既壞習慣改晒！林師傅上堂時好認真好有耐性，會慢慢教我駕車重點同態度，做錯咗會鬧，但又會傾計令上堂輕鬆啲。呢一星期令我覺得我重新學一次駕車！推薦想學車/補鐘既人搵林師傅！~ 再一次衷心多謝林師傅！！

林師傅，多謝你用心的教導，你上課認真教學及生動，而且經驗豐富，能夠發現我的真正問題及不足，一直錯誤的地方，再教導我正確的做法，更會用圖畫和道具解釋，令我更易明白，真細心！更重要，林師傅有職業操守，會用個心去幫同學，盡力教授所有的技巧、知識及做人態度。駕駛者的責任很大，要照顧馬路上的安全，所以他教導我要有耐性及善心去對待，我會永遠記得。

非常推薦林師傅給各位新手們。他的指導非常清晰，一些細節位都會講得很詳細，例如轉彎的角度、擰頭的動作等等。林師傅具有豐富教學經驗，知道開車時學生常遇見的情況，並會教你如何處理各種不同情況，讓你在考試時或者以後拿了牌照後遇到一些特殊情況時能知道如何處理，不會手慌腳亂，能有助提升你的應變能力。而且，林師傅能針對你的弱項，對你進行緊密的訓練，在短時間內就能把你的弱項變強項。林師傅也非常有耐心，每次開車時會不斷提醒學生每個開車步驟，怕你會忘記，正是因為林師傅的不斷提醒，讓我能輕易就牢記所有步驟。林師傅除了很專業外，他為人也十分親切，會盡量滿足到學生的要求，十分替學生著想。我，作為新手，在林師傅的指導下很快就能掌握開車技巧，所以非常推薦給各位新手們！

咩為之一個好嘅教車師傅？對我而言，一個好嘅教車師傅並唔係只係令你考試合格，而係令你真正學識揸車，日後喺道路上遇到突發情況可以臨危不亂，冷靜應對嘅師傅。而林師傅正正就係一個咁既師傅。

我係一個咩都唔識就夠膽黎學棍波仲要係貨van 既女仔，一Pass咗個筆試就上網揾教車師傅，最終搵左林師傅。林師傅比留言板寫嘅仲要好，記得第一堂嘅時候佢就好耐心咁樣先同我解釋棍波車嘅理論，仲有圖睇，令我明白到每一個動作背後嘅意義, 唔做或做錯嘅後果, 令你真正了解如何每一個動作背後嘅目的令你唔需要死記，日後可輕鬆應用｡佢真係教緊人點樣真正揸一架車，而唔係淨係背step 考試。

林師傅佢仲係一個不計成本，只為教好學生嘅一個師傅。記得大約上第四/五次堂嘅時候，林師傅為左令我明白眼睇遠嘅重要，行高速公路更有信心，帶咗我去行遠路，揸咗入清水灣道/入科大條路，仲上咗一半山。後來先知好少師傅肯咁做，因為怕危險&油錢貴，但係林師傅為咗學生絕不吝嗇。

佢係一個會放手比學生去試嘅師傅，記得學到差唔多，佢就會扮演考官這身份, 例如叫你轉一次咗左圈，果次佢唔會比任何指引你，你就好似考試咁去考。仲記得我起步轉彎冇轉一波將架車拋左去隔離線，以後都記得要用一波起步。喺安全嘅情況下, 佢唔會出手幫你，因為錯過驚過先有印象，下次唔會再犯。其實唔只係呢啲模擬嘅考試，佢平時一直會放手比學生試，又會用係分析你做錯嘅野, 不斷咁喺耳邊提點你，希望你將佢講野記入腦｡

以上只係其中三個事例, 林師傅其實係一個好有耐心，該嚴肅時嚴肅，該輕鬆時輕鬆嘅師傅，佢仲有自家製口訣幫你，會係咁堤你考試要點，其實佢仲有好多好多優點，例如細心，為學生著想，有大智慧等等，真係不能盡錄。雖然我考咗兩次先Pass, 但係係因為自己將師傅講嘅嘢左耳入，右耳出，最後錯埋d佢有第一堂提到我最後一堂野，果時就知師傅講嘅野係幾重要了。總括而言，佢真係一個好好好好好好嘅師傅，搵到佢教我絕對係我嘅榮幸，真係非常感激佢｡

😄感謝您💐💐💐，真心多謝林師傅您的耐心教我開車技巧，帶我大街小巷的練習，學習在路面上遇到的種種變化該怎麼運用技巧。師傅你真的很耐心也很有心教的，很開心我今天終於在你的私人駕校畢業了。

多謝林永耀師傅和各位代課師傅既悉心教導。林師傅上堂認真教學同好有耐性，會用好多例子解釋令我更加明白例如一國兩制，花旦抹眼淚。第一次係忠義街肥佐因爲自己太緊張 ! 林師傅即刻搵我肥既原因，執返我錯嘅地方又會講笑話令我吾好咁緊張。第二次抽快期考石陰路試，好多謝林師傅不厭其煩地改善我既錯誤問題同埋改善我既心理質素因爲我一考試就會超緊張，令我開車時越嚟越冷靜同埋做足所有準備去考試終於順利Pass佐。
最後多謝林師傅依幾個月既教導。祝身體健康，桃李滿門。

好開心能夠跟林永耀師父學車。林師父的講解清晰易明，令我能夠好快掌握到重點。他為人風趣幽默，不時會同我講下笑，舒緩我學車時緊張的情緒。林師父還會針對我的弱點，特意選擇不同的訓練場地，快速而有效地改善我駕駛上的問題。例如我軚盤控制不當，小路出大路處理不好等問題他都能相應而有針對性地幫助我集中改善。此外，林師父還會鼓勵我和提高我駕駛的安全意識。令我獲益良多，真的非常感激!

另外，我要感謝馬師父！馬師父教學用心，嚴謹。頭2次跟馬師父學車時我不以為然，上多幾堂，才逐漸體會到他真的非常用心教學，對我駕駛時出現的問題馬師父多次不厭其煩地指出並幫助我改善，反映馬師父教學非常用心。到考試當日早上，馬師父還重複提醒我須注意的重點。直至考試前10分鐘，我已上車等候考官，馬師父還多次過來提點我等會開車時應該怎樣走位，在那位置轉出最穩妥以及令我放鬆心情。馬師父那麼著緊，真的令我十分感動！

能夠考到車牌，真的非常感謝林師父和馬師父！祝兩位師父身體健康，工作愉快，生活美滿。

懂得駕駛的人很多，能夠真正授業解惑的老師很難遇到。十分感激林永耀師傅和張宏興師傅的言傳身教，每一堂課都在訓練我的弱點，簡單用一個故事就能一語道破我的問題所在；也佩服他們的耐性，能容忍我多次犯錯然後溫柔糾正。很幸運地找到兩位師傅向他們學習，明白到駕車不只是一次考試和一堆技巧，更重要的是駕駛的態度和安全，在多次的特訓後終能夠自信地處理馬路上的各種情況。謝謝你！祝師傅桃李滿門、身體健康！

我真係要好多謝林師傳，因為不是佢既耐心和專業教車方法，我仲停留在之前的錯誤中，之前兩次都淝佬左，我真的感覺之前我學的揸車唔知用咩形容，不夠大膽，而且之前也沒有信心，因為沒有重點，跟了林師傅和馬師傅學車後，知道自己錯誤系邊度而且信心強左，該快時會快，該停下來觀察道路交通時就會停低，特別是小路轉大路揸車時應該用一檔，這是我之前很難做到的，之前敎車的師傅也沒和我講，而經過兩位師傅的指導和糾正後我現在可以運用自如了，在考試的時候發揮的很好，也不會竊場，我之前揸車時軚盤不穩容易左右避車避人，林師傳用很有教育的人生哲理對我講：人生遇到問題時都要正面面對呀，而唔係左右逃避，左右逃避就會碰撞個啦系唔系，所以這句話完全啟發了我，開車不要左閃右避⋯這很多的揸車專業知識教會了我，讓我順利pass，而且才學了短短幾堂課。我同師傅講早認識他們就好了，我可能會一次就過，所以學車師傅真的好重要啊，而且對以後真正路面開車有很多幫助！忠心感謝兩位咁敬業和專業的教車師傅讓我對揸車很有信心和考試顺利過關！感恩!

感謝林sir 和代課老師張sir 的教導經過三個幾月的駕駛技術訓練一次過成功考獲駕駛執照感恩.

從當初對路面駕駛技術完全不認識, 經過林sir 的嚴格+細心+審慎教導, 直到掌握到基本的駕駛技術, 林sir 從淺入深漸進式教導我學識駕駛, 過程之中林sir 使用很多的比喻, 這些比喻都是簡單易明, 最深刻的比喻就是(花旦抹眼淚) 當我有錯誤都會即時作出矯正 .學習過程當中都能夠將緊張心情化為輕鬆林sir 知道我在哪一部分比較差 ,就增加這方面的練習給我更多練習機會, 正所謂揸得多自然熟 .

考試前一天非常緊張 ! 林sir就鼓勵用平常心去面對 ,集中精神專心駕駛不要理會考官, 他有他的工作, 你有你的專心駕駛!

考試當天就這樣從乙部到丙部分 ,專心審慎駕駛全程考試完畢一次過成功考獲駕駛執照 .

再次衷心感謝林sir 的教導

林sir 的教導不單止用在道路上, 生活上也能夠應用到 ,教導我成為負責任和審慎的道路使用者.

祝林sir 和代課老師張sir 身體健康生活快樂!

第二次挑戰考車成功!
感恩第二次學車遇到好的師父。本身運動細胞差，左右腦唔多協調，方向感差，考車pass 左真係好有成功感。
第一次考車fail 的原因係扭軚唔掂，轉彎出曬界。林師父發現我的問題，成日提住我望遠d，轉灣唔好望住個灣黎轉，仲tailor made 2條特訓路線。
第一條: 去清水灣揸，在好窄岩岩夠位迂迴曲折的山路揸，當大架的對頭車經過個下真係怯，目的係練膽。
第二條: 臨考前見我轉灣都未係好夠火喉，帶我去土瓜灣揸，小街多灣加斜路，人多車又多，操我反應同轉灣。
特訓完再去石籬揸，感覺真係差好遠...多謝林師父用心的教導!!

多謝林師傅的教導，雖然只是短短的幾個月，但就好似做多左十幾年人甘，從前我做野都唔會抱太大期望，諗住無期望就唔會失望，而每一次學車都將自己放得好鬆甚至係Hea，個感覺同上興趣班無乜分別，直到師傅指出我呢個問題後，同我解釋在馬路上不小心的嚴重性同駕駛者應有的態度後，我先的起個心肝同拎個決心出泥考牌。師傅好犀利，每次都可以捉到我的心理，並且立刻糾正再加上鼓勵，當我見到自己一次一次的進步同做得到，我嘅信心都慢慢地增長。
而家就帶大家進入我嘅奇妙學車旅程 : 記得第一次上堂時，師傅就講左好多道路上的規則，呢D規則唔單止要應用係考試上，而且係日後揸車時要面對嘅。(最起碼我拎到個牌後會敢揸架車出街先，雖然有好多人聽到我要揸車後都決定要全日安坐家中)
記得有一次比師傅鬧左鋪甘嘅... 事情是這樣的:當時有死車，但我無睇清楚路面情況，就逆左線泥揸，留意返，條路係有對頭車😌，依家諗返起都覺得好恐怖，果次之後我就開始認真對待揸車同留意返道路安全守則。(要師傅每次上堂都冒著下一站天堂嘅險，我都會唔好意思嘅😹)
每次上堂都好似去冒險，因為師傅會按住不同操練的需要而去唔同地方練習，感謝師傅明知危險、明知遠都肯帶我去遠路練肽、練膽、練望遠D，勁正，每次練遠路都好似去郊遊甘，不過果幾次練車只能專注揸車，而浪費左美好風景😂

話説未練膽之前開2,30都覺得自己已經揸得好快😎，驚到呢，但之後可以練到開50都唔驚，而家諗返起都超有成功感，因為果一種勇住直前、大無畏的感覺真係好正

師傅用心的教學
師傅一直都叫我要用個心睇條路同扭個肽，如果唔係就揸唔掂架車，Um,,師傅有D難明波...
不過如果唔係師傅你肯比耐性、包容同用個心泥教我呢舊蕃薯，我真係學一世都學唔識，終於比我學識左，呵呵，用心真係work!

又記得考試前有一次師傅叫我去揸一條平時無乜機會揸嘅路，果一下，眼淚在心裏不斷甘湧流(心諗會死嫁、會炒嫁、出事啦)，果一刻都上左車囉，唔通跳車咩，死就死吧，師傅講嫁嘛「本死無大害」，結果當然無炒到啦，重比師傅讚揸得好添😎😎😎
其實諗返起都好好笑，師傅明明係隔離，真係要炒，佢唔通唔救咩(以師傅超音速嘅反應，一定救到)，搞笑，話曬揸緊呢架都係佢架愛驅丫😹

至於心理關口呢樣野，都幾難搞，我嘅性格膽小怕死猶豫，加上完美主義同唔信自己睇到嘅野，最慘係無主見又依賴，呢一個世界級嘅組合，都註定左要做一世豬型投資者，話説我就係以呢D特質去出路口，所以成日都無車等到有車先出，”orz，搞左好耐都搞唔掂，師傅最後出絕招，就係唔出聲陪我一齊等，最後連我自己都等到無耐性，終於的起個心肝，一見到無車就衝出去，嘻嘻，好似就係甘克服左出路口呢樣野，多謝師傅比極大的耐性同包容我去試，又係當中訓練我要自己做決定，同獨立D。

又有一次我要過線上橋返九龍塘，em，又係阿驚累事，過極都過唔到，好耶，終於錯過左上橋的機會，我心諗，完了吧!如無意外！
見到舊蕃薯坐左係隔離，師傅終於忍唔住出手啦啦啦，原來係有另外一條路返去(都傻傻地嘅，路又點止一條，地球係圓嫁嘛，兜個圈點都返到去嘅😂)
師傅真係好犀利，每一次都有後着，多謝你教我要兩手準備先唔會騰，以上學到嘅野，唔單止係揸車上用到，而且係日常生活同處事上的實用錦囊!
多謝師傅教我做事要有決心
我相信我應該係師傅嘅學生中最怕死同反應最慢果一個，但我最終都畢到業，証明左世上無難事，只怕無好師傅嘅姐😜
我會謹記住行車要安全，暢順嫁啦！
祝兩位師傅身體健康💪，生活愉快，工作順利，桃李滿門🍑🍐

由我對駕駛零認識，到最後竟然可以一take pass，都係全靠林師傅用心教學👍🏻係練車過程中，林師傅可以好清楚提出我嘅錯處同糾正返我嘅問題，然後不斷練習，令我唔會再犯同樣嘅錯誤。林師傅仲帶我去唔同地方練車，訓練我對唔同地形同路面情況嘅應變處理能力，對我考車同將來駕駛都非常有用！

由報名到考試，一直都好緊張，真係好希望一 take 合格。距離考試既日子越近，心情就越緊張。但自覺考試技術並未達考試要求，一直都好希望補鐘，好讓自己對考試要求更加熟練。上網見到學生對林師傅贊不絕口，起初都半信半疑，覺得會唔會係偏人的。但由於考試時間迫近，就決定打比林師傅試一試。林師傅係電話裏面好有禮貌，佢講明時間，地點，價錢和是否佢本人還是其拍檔任教，絶不取巧，非常公道。

第一次見林師傅，佢問我覺得有什麼需要加強。我話係窄路調頭。佢就特別揾咗彩虹少車既平路同暗斜路比我練習。在教我技術之餘，又會拎一d製作精美既圖和模型車解釋道理比我聽，幫助我理解。

之後既課堂，我請林師傅教我路口處理和爬頭過線。林師傅叫我要睇地形，要貼住自己行車線，不要衝咗去對面線。有幾次轉出路口危險既時候，林師傅都會好嚴肅咁同我講：快啦，快啦，比油，比油。當時我唔係太明，只有跟住做。但事後林師傅耐心解釋番比我聽剛才我地個處境有幾危險，點解要快，點解要加油。我才明白有時車慢並不一定係安全，一定要跟番個節奏。

我好鍾意林師傅既教法。有一次學車，兩線也是等紅燈轉燈，我見左面車輛較少，所以刻意轉到左線。林師傅當時並沒有阻止我，當我轉線後，佢只係好温柔咁同我講：你後悔嗎？我當時還不明白佢點解咁講。佢立即解釋，如果係佢，佢就不會轉左線。因為左線前面全部也是死車，我又要轉番原線才可繼續行駛。林師傅語重深長講了一句：點解我成日叫你望遠d就係咁解了。如果你望遠d，你就會發現左線全部都係死車，跟本郁唔到。林師傅，多謝你。人會係錯誤中快速成長。多謝你係安全既情況下比我從錯誤中學習。我真係會記得望遠d。

林師傅，我知道你好多學生，感憿你係我考試前一日抽時間幫我補鐘。前一日我真係好緊張，多謝你分享咗巴黎鐵塔既故事比我聽。呢個故事陪住我考試，令我一 take pass。呢個故事亦都係陪著我過將來既每一天。多謝你教車之餘亦教我做人既道理。你拍檔張師傅亦教得非常好，希望你地身體健康，桃李滿門。

好多謝林師傅既教導下成功pass!😂
之前以為跟以前師傅所學既野就夠應付考試 !
第一日上林師傅堂師傅就叫我試行一轉俾佢睇、
師傅就一針見血指出我所犯既毛病同壞習慣
例如極力子控制唔穩定、停車果陣習慣左隻手放係手制、停車動作等等⋯完左之後師傅就會講解返成套開車停車出路口動作、又會示範幾次佢揸同我揸既分別、令我可以從中吸收到師傅揸得穩既技術 ! 亦都多謝師傅極有耐心不斷提醒我邊度做得唔好、邊度無信心既就重點培訓、務求我做既動作緊湊連貫、同埋做錯野都唔會好惡鬧人、只會嚴肅對症下藥、好記得有一次心急扒的士頭、師傅知道我係心急既人(無煞車)、放手由我扒、扒完之後揾地方停車、師傅問左句”你唔要個牌啦?”聽完之後令我即時被點醒 ! 考牌既時候遇到咩事都要忍、唔好心急做錯野 ! 另外師傅既口訣、比喻簡單易明、仲用道具車具體分析路面情況、即時個腦通哂🤣 點都好，真係好多謝林師傅既教導😆駕駛技術畢生受用